سايتقا كىرۋ
ءسىزدىڭ ورنىڭىز:جەتى ءبىلىم - وقۋ-اعارتۋ جاڭالىقتارى - 浏览文章

وقۋشى قابىلداۋ قىزمەتى ۇقتىرۋى جاريالاندى

2016/7/3 11:42:04كورىلىمى(0)بۇل ماقالاعا0وقىرمان پىكىر جازعان

وقۋ-اعارتۋ مەكەمەسى 2-شىلدە كۇنى «2016-جىلعى مەملەكەتتىك جوعارى وقۋ ورىندارىنا وقۋشى قابىلداۋ قىزمەتى ۇقتىرۋىن»جاريالادى ،-دەپ حابارلايدى وقۋ اعارتۋ مەكەمەسى ارناۋلى سايتى.

«2016-جىلعى مەملەكەتتىك جوعارى وقۋ ورىندارىنا وقۋشى قابىلداۋ قىزمەتى ۇقتىرۋىندا»،ءار قايسى جوعارى وقۋ ورىندارى وقۋشى قابىلداۋدا،قابىلدانۋ ۇقتىرۋى،ازاماتتىق كۋالىك،نوپوس كوشىرۋ ۇقتىرۋى،ەمتيحان ناتيجەسىنە ارتىق ءنومىر قوسۋ دالەلى قاتارلى ماتەريالدار مەن ەمتيحان تاپسىرۋشىنىڭ  ءتۇپ نۇسقالى ارحيۆى،قابىلدانعان وقۋشىلار تىزىمدىگى جانە ەلەكتروندى ارحيۆ ماتەريالدارىن قاداعالاپ تەكسەرۋى تالاپ ەتىلگەن.كۇماندى ماسەلەلەر بايقالعان جاعدايدا،ەمتيحان تاپسىرۋشىنىڭ قونىستانعان وڭىرىندەگى ولكە دارەجەلى ەمتيحانعا قاتىستى ورگاندارمەن سالىستىرىپ كورىپ،جالعان اقپاراتتاردىڭ جاريالانۋىنىڭ الدىن الۋ كەرەك.

ءار قايسى ولكەلىك وقۋشى قابىلداۋ كوميتەتى،وقۋ-اعارتۋ اكىمشىلىك ءبولىمى،ەمتيحان قىزمەتىنە قاتىستى ورگاندار مەن جوعارى وقۋ ورىندارى وقۋشى قابىلداۋ شەكتەمەسى بۇيرىعىن قاتاڭ اتقارۋى،جوعارى وقۋ ورىندارى جوسپار بويىنشا وقۋشى قابىلداۋ قىزمەتىن جۇرگىزۋى ءتيىس.

وقۋشى قابىلداۋ قىزمەتىندە،قاتىستى اقپاراتتاردىڭ «ون اشىق بولۋىن» جۇزەگە اسىرۋى،وقۋشى قابىلداۋ ساياساتى،وقۋشى قابىلداۋ تولىمدىلىعى،وقۋشى قابىلداۋ باسقىشى،قابىلداۋ ناتيجەسى،كەڭەس الۋ جانە ارىز بەرۋ تاسىلدەرى،ەرەجەگە قايشى ارەكەتتەردى جازالاۋ ناتيجەسى،قابىلدانۋ ناتيجەسىن قايتالاي تەكسەرۋ قاتارلى قىزمەتتەرگە قاتىستى اقپاراتتاردى اشىق جاريالانۋىنا كەپىلدىك ەتۋ كەرەك.

گوۋيۋان 431 ءنومىرلى بۇيرىعى نەگىزىندە،وقۋشى قابىلداۋ قىزمەتىن قاداعالاۋ جانە ماسەلەلەردى ءبىر جايلى ەتۋ جونىندەگى اقپاراتتاردى اشىق جاريالاۋ تالاپ ەتىلەدى.

«2016-جىلعى مەملەكەتتىك جوعارى وقۋ ورىندارىنا وقۋشى قابىلداۋ قىزمەتى ۇقتىرۋىندا»،ءار قايسى جوعارى وقۋ ورىندارى مەملەكەتتىك اسكەر قابىلداۋ سايتىنا تىركەلىپ،«ۋنيۆەرسيتەت وقۋشىلارىن اسكەرگە قابىلداۋ ۇگتىن»باسىپ شىعارىپ،جوعارى وقۋ ورىندارىنا قابىلدانۋ ۇقتىرۋىمەن بىرگە وقۋشىلارعا جىبەرىپ بەرىلۋى كەرەكتىگى كورسەتىلگەن.


كلت ءسوز:وقۋشى قابىلداۋ
ءوتىمدى ماقالا